مەودا میدیا- رێبین ئەشرەف

ئەمڕۆ لەگەڵ کرانەوەی بازاڕی زێڕەنگەران نرخی زێڕیش هاوشێوەی نرخی نەوت و بەهای دۆلار بەرزبووەوە، سەرۆکی زێڕەنگەرانی سلێمانیش دەڵێت "یەک کیلۆ زێڕی خاو بۆ ئەمڕۆ بە نزیکەی 60 هەزار دۆلار مامەڵەی پێوەدەکرێت".

سەبارەت بە بەرزبوونەوەی نرخی زێڕ دلیر تاهیر، سەرۆکی زێڕەنگەرانی سلێمانی بە مەودا میدیای راگەیاند "ئەمڕۆ جارێکی دیکە نرخی زێڕ بەرزبوونەوەی کەمی بە خۆیەوە بینی و هەرکیلۆیەک زێڕ بە نزیکەی 60 هەزار دۆلار مامەڵەی پێوەدەکرێت".

سەبارەت بە هۆکاری بەرزبوونەوەی زێڕ وتی "هۆکارێکی دیاریکراو نییە بۆ بەرزبوونەوەی ئەمڕۆی نرخی زێڕ، ئەم بەرزبوونەوانە لە نرخی زێڕ جێگیرنییە و بەردەوام  روودەدات".

نرخی زێڕ بە مسقاڵ ئەمڕۆ لە بازاڕەکانی هەرێم: 

مسقاڵێك زێڕی عەیار (24) بە 443 هەزار دیناری عیراقییە.

مسقاڵێك زێڕی عەیار (21) بە 395 هەزار دیناری عیراقییە.

مسقاڵێك زێڕی عەیار (18) بە 333 هەزار دیناری عیراقییە.

ر. ئ.