مەودا میدیا- سازگار ئەحمەد

جێگری سەرۆک ئەرکانی هێزەکانی پێشمەرگەی کوردستان رایدەگەیەنێت بەهۆی ڤایرۆسی کۆرۆناوە تاوەکو ئێستا هیچ بڕیارێک نییە بۆ راگرتنی مەشق و راهێنانەکانی هێزەکانی پێشمەرگە  ئاماژەی بەوەشکرد لە کاتی گونجاودا بڕیاری گونجاو دەدەین.

لیوا قارەمان کەمال، جێگری سەرۆک ئەرکانی هێزەکانی پێشمەرگەی کوردستان سەبارەت بە راگرتنی مەشق و راهێنانەکانی پێشمەرگە بەهۆی ڤایرۆسی کۆرۆناوە بە مەودا میدیای راگەیاند "تاوەکو ئێستا هیچ بڕیارێک نییە بۆ راگرتنی مەشق و راهێنانەکانی هێزەکانی پێشمەرگە بەهۆی ڤایرۆسی کۆرۆناوە".

ئاماژەی بەوەشکرد "وەزیری تەندروستی هەرێمی کوردستان رایگەیاندووە کە هیچ حاڵەتێکی ڤایرۆسی کۆرۆنا نییە، لەبەر ئەوە مەشق و راهێنانەکان رانەگیراوە".

جێگری سەرۆک ئەرکانی هێزەکانی پێشمەرگە ئەوەشی خستەڕوو "ئەگەر بزانین مەترسی هەیە لەسەر گیانی پێشمەرگەکان، چونکە لەکاتی مەشقکردندا خەڵکێکی زۆر کۆدەبێتەوە ئەو کاتە بڕیارێکی گونجاو دەدەین".