مەودا میدیا-

جێگری تەندروستی زانكۆی زانستە پزیشكییەكان لە شاری سنە رایدەگەیەنێت لە شاری سنە 51 كەسی گومانلێكراو بە نەخۆشی كۆرۆنا خراونەتە ژێر چاودێریەوە.

ئیبراهیم قادری، جێگری تەندروستی زانستە پزیشكییەكان لە شاری سنە رایگەیاند "كۆرۆنا یەكێكە لەو ڤایرۆسانە كە گەشتگیرەو پێشبینی دەكرێت لە بەشی هەرەزۆری وڵاتان بڵاوببێتەوە، هۆكارەكەشی گواستنەوەو هاتووچۆی هاوڵاتیان لە وڵاتێكەوە بۆ وڵاتێكی تر".

ئەوەشی خستەڕوو "تائێستا لە پارێزگای سنە هیچ حاڵەتی كۆرۆنا تۆمار نەكراوە بەڵام 51 كەس بە گومانی بونی نەخۆشیەكە لەژێر چاودێریدان و تائێستا 21 كەس لەو كەسانە پشكنینیان بۆ كراوە".