کوردستانی

لەسلێمانی بڕیار لە داخستنی كافتریاو چایخانەكان دەدرێت

مەودا میدیا - سلێمانی |


لەسلێمانی بڕیار لە داخستنی كافتریاو چایخانەكان دەدرێت

مەودا میدیا-

سەرۆكی لیژنەی هاوبەشەكانی قائیمقامیەتی سلێمانی رایدەگەیەنێت لە پێناو بەرژەوەندی هاوڵاتیان و بۆ رێگریكردن لە بڵاوبوونەوەی نەخۆشی كۆرۆنا تەواوی كافتریاو شوێنە گشتییەكان دادەخرێن.

لەشكر حەمید، سەرۆكی لیژنە هاوبەشەكانی قائیمقمایەتی سلێمانی بە مەودا میدیای راگەیاند "لە پێناو بەرژەوەندی هاوڵاتیان و بۆ رێگریكردن لە بڵاوبوونەوەی نەخۆشی كۆرۆنا تەواوی كافتریاو شوێنە گشتییەكان دادەخرێن و چەندین بڕیاری گرنگ و پێویست دەدرێن لە بەرژەوەندی هاوڵاتیان".

ئەوەشی خستەڕوو " بڕیاری داخستنى كافتریا و چایخانە و مەلەوانگە و ئەو شوێنە گشتیانەی كە هاوڵاتی لێی كۆدەبێتەوە هەروەها دانانی پرسە و چەند بڕیارێكی تر لە پێناو پاراستنی تەندروستی هاوڵاتیان".

لای خۆیەوە هێرش سەلیم، جێگری بەڕێوەبەری گشتی تەندروستی سلێمانی بە مەودا میدیای راگەیاند "بڕیاری داخستنی كافتریا و مەلەوانگە و شوێنە گشتییەكان لە دەستی ئێمە نییە و ئێمە تەنها رێنمایی تەندروستی دەدەینە هاوڵاتیان".

بۆ رێگریكردن لە بڵاوبوونەوەی نەخۆشی كۆرۆنا وەزارەتی تەندروستی بڕیاریدا ئەو هاوڵاتیانەی لە ئێران دەگەڕێنەوە بۆ ماوەی 14 رۆژ بخرێنەژێر چاودێری لە پێناو بەرژەوەندی گشتی.
Qaiwan
Qaiwan

زۆرترین خوێندنەوە

بیروڕا


News

رێنوسی تابلۆی ئۆتۆمبێلەكانی هاتوچۆی هەرێم هەڵەن

لەلایەن ئه‌رسه‌لان په‌رۆش


News

پارستنی ئاو وەکو ئەرکێکی بنەڕەتیی ژیان

لەلایەن د.مونیرە ئەبوبەکر


News

بۆ ناهێڵن عەرەبە ئاوارەکان بگەڕێنەوە؟

لەلایەن خەڵەف غەفور


News

نەرمین عوسمان؛ خەباتگێڕێکی کۆڵنەدەر

لەلایەن هیوا محەمەد