مەودا میدیا-

لە هەڵمەتێکی کارمەندانی پۆلیس و لە ئەنجامی پشکنینە بەردەوامەکانیاندا، ژمارەیەک مووشەک و مین و تەقەمەنیان دۆزییەوە.

بەڕێوەبەرایەتیی پۆلیسی کەرکوک، سەبارەت بە دۆزینەوەی ژمارەیەک مووشەک و تەقەمەنی لە کەرکوک، رایگەیاند "لە بەردەوامی پشکنین و گەڕان بە دوای تیرۆریستاندا، لە گوندێکی نزیک شاری کەرکوک، دوو مووشەکی کاتیۆشایان دۆزیوەتەوە".

وتیشی "سەرەڕای مووشەکەکان، چەند مینێکی دژەتانک و ژمارەیەک تەقینەوەی تر دۆزراونەتەوە".

هەروەها ئەوەشی ئاشکرا کرد "سەرجەم ئەو مووشەک و تەقینەوانە، پاشماوەی گروپی تیرۆریستی داعشن و بە نیازی بەکارهێنان بۆ کردەوەی تیرۆریستی، لەو گوندانە شاردراوەتەوە".

ر. ئ