مەودا میدیا-

وه‌زاره‌تی ناوخۆی حكومه‌تی هه‌رێمی كوردستان رایده‌گه‌یه‌نێت پاش ئەوەی دەنگۆی راگرتنی جموجوڵی بازرگانی لە سنووری نێوان هەرێمی کوردستان و تورکیا بڵاوبوویەوە هەوڵی چارەسەکردنی ئەو کێشانە دەدەن.

 لە روونکردنەوەیەکدا وه‌زاره‌تی ناوخۆی حكومه‌تی هه‌رێمی كوردستان رایگەیاند "پاش ئەوەی دەنگۆی راگرتنی جموجوڵی بازرگانی لە سنووری نێوان هەرێمی کوردستان و تورکیا بڵاوبوویەوە و حکومەتی هەرێمی کوردستان هەموو هەوڵەکانی خۆی خستوەتەگەڕ بۆ ئەوەی جووڵەی بازرگانی نێوان هەردوو لا بەردەوام بێت و دڵنیاییش ده‌دات كه‌ درێغی  لە چارەسەرکردنی ئەم کێشانە ناكه‌ن".

ئاماژەی بەوەشکردووە  "جموجۆڵی بازرگانی سەر سنوورەکان رێکدەخرێتەوە و بە لە بەر چاوگرتنی رێکارەکانی خۆ پاراستن".

لە روونکردنەوەکەدا "هاوڵاتییان دڵنیا دەکەینەوە کە حکومەتی هەرێمی کوردستان درێغی ناکات لە چارەسەرکردنی ئەم کێشانە بە جۆرێك کە کاریگەری لە سەر جموجۆڵی بازرگانی و بازاڕی ناوخۆ نەکات".