مەودا میدیا-

بەڕیوەبەرایەتیی هاتوچۆی سلێمانی ئاگاداری سەرجەم کۆمپانیاکانی هێنان و فرۆشتنی ئۆتۆمبێلی ژمارە کاتی دەکاتەوە لەبارەی گرێبەستی ئەلیکترۆنی.

ئەمڕۆ چوارشەممە 12ی تشرینی یەکەمی 2022 لە راگەیەندراوێکدا بەڕێوەبەرایەتیی هاتوچۆی سلێمانی رایگەیاند "ئاگاداری سەرجەم کۆمپانیاکانی هێنان و فرۆشتنی ئۆتۆمبێلی ژمارە کاتی دەکەینەوە کە لەکاتی فرۆشتن و دەرچوونی ئۆتۆمبێل لە کۆمپانیا لەهەمان رۆژدا گرێبەستی ئەلیکترۆنی بۆ بکرێت".

ئاماژە بەوەشکراوە "تەنها بەرواری دەرچوونی گرێبەستەکە ئەژماردەکرێت بۆ تۆمارکردنی لە بەڕێوەبەرایەتیی هاتوچۆی سلێمانی و کار بە هیچ بەروارێکی ناو گرێبەستەکە ناکرێت بۆ ماوەی ئەو (60) رۆژەی بۆی دیاریکراوە بۆ تۆمارکردنی ئوتومبیلەکە".

س.ر