مه‌ودا میدیا-

هه‌وڵه‌كان بۆ كردنه‌وه‌ی هه‌ژماری بانكی بۆ فه‌رمانبه‌رانی هه‌رێمی كوردستان به‌رده‌وامییان هه‌یه‌ و به‌ڕێوه‌به‌ری ته‌كنه‌لۆژیای بانكه‌كانی هه‌ولێر ده‌ڵێت "چاوه‌ڕوانده‌كرێت له‌ سه‌ره‌تای ساڵی داهاتوو مووچه‌ به‌ سیستمی بانكی دابه‌شبكرێت".

مسته‌فا سه‌عید، به‌ڕێوه‌به‌ری ته‌كنه‌لۆژیای بانكه‌كانی هه‌ولێر بۆ مه‌ودا میدیا وتی "هه‌وڵه‌كان بۆ كردنه‌وه‌ی هه‌ژماری بانكی فه‌رمانبه‌ران به‌رده‌وامی هه‌یه‌و بۆ كۆتایی هاتنی هه‌ژماره‌كه‌ش چه‌ند كارێكی بچووك ماوه‌و بۆ ئه‌وه‌ش وه‌زیری دارایی حكومه‌تی هه‌رێم له‌سه‌ر خه‌ته‌ بۆ جێبه‌جێكردنی هه‌نگاوه‌كانی داهاتوو".

باسی له‌وه‌شكرد "به‌پێی سیستمه‌كه‌ له‌لایه‌ن ئه‌نجومه‌نی وه‌زیرانه‌وه‌  كۆدی تایبه‌ت بۆ یه‌ك ملیۆن و 200 هه‌زار فه‌رمانبه‌ری حكومه‌تی هه‌رێمی كوردستان دروستده‌كرێت  و دوای كردنه‌وه‌ی بانكی نیشتمانی له‌ هه‌رێمی كوردستان له‌ رێگه‌ی 92 بۆ 97 بانكی حكومییه‌وه‌ مووچه‌ ده‌درێته‌ فه‌رمانبه‌ران و بۆ ئه‌وه‌ش چاوه‌ڕوانده‌كرێت له‌ سه‌ره‌تای ساڵی داهاتوو مووچه‌ به‌ سیستمی بانكی دابه‌شبكرێت".

س.ر