مەودا میدیا-

له‌چوارچێوه‌ی ئاماده‌كارییه‌كان بۆ خۆپارێزیی له‌ڤایرۆسی كۆرۆنا له‌سه‌ر بڕیاری به‌رێوه‌به‌رایه‌تی گشتی كاره‌بای سلێمانی كاره‌كانی پرۆژه‌ی به‌ستنی پێوه‌ری زیره‌ك راگیرا.

لە راگەیەندراوێكی بەڕێوەبەرایەتی گشتی كارەبای پارێزگای سلێمانی هاتووە "كارەكانی دانان و بەستنی پێوەری زیرەكی كارەبا لە گەڕەكەكانی سلێمانی تاوه‌كو 7ی ئازار رادەگیرێن".

ئاماژە بەوەشكراوە "ئەو بڕیارە لە كاتێكدا بڕیاربوو ئەمڕۆ لە فیدەری 20 لە گەڕەكی بەختیاری پێوەرەی زیرەكی ماڵان ببەسترێ".

لە شاری سلێمانی لە ماوەی رابردوودا توانراوە زاتر لە 81 هەزار پێوەرەی زیرەكی كاره‌با ببەسترێت و نزیكەی 27 هەزار بۆردیش بەستراوە لەسەر 77 فیدەر كاركراوە لە 25 گەڕەكی جیاوازی سلێمانی.