مەودا میدیا-

ژمارەیەك لە خاوەن یەكەكانی نیشتەجێ بوونی گوندی كۆری لە هەولێر چونەتە بەردەم بيناى ئەنجومەنی وەزیرانى هەرێمی كوردستان و دەستیان بەخۆپیشاندان كردووە.

ئەو هاوڵاتیانە لەبەردەم ئەنجومەنی وەزیرانى هەرێمی كوردستان خۆپیشاندانیان دەستپێكردووە و داوا دەكەن هەرچی زووە لایەنی پەیوەندیدار بەدەم كێشەكەیانەوە بچێت.

باس لەوەش دەكەن" سەرەڕای ئەوەی چەندین ساڵ دەستی دەستیمان پێكراوە، ئێستاش بەپێدانی پارچەیەك زەوی هەڵیانخەڵەتاندوین و هیچ بەدەمەوە هاتنێكیان نییە بۆمان".

بەشداربووانی گوندی كۆری لە هەولێر دوای چەندین ساڵە لە مامەڵە و وەرگرتنی یەكەكان و پێدانی بڕە پارەیەكی زۆر، بەڵام نەیانتوانی بچنە ناو یەكەكان و دواتریش بە پارچەیەك زەوی و بڕێك پارە قەرەبوو كرانەوە و هیچی تریان بۆ نەكراوە بۆ دابینكردنی خزمەتگوزاری بۆ زەویەكانیان.