مه‌ودا میدیا-

ئه‌نجومه‌نی پارێزگا سلێمانی له‌ باره‌ی كارنه‌كردن به‌ بڕیاره‌كانیان به‌ تایبه‌ت پرسی دانانی كامێراكانی تۆماركردنی به‌دواداچوون ده‌كات و بڕیارده‌ری لیژنه‌ی یاسا له‌ ئه‌نجومه‌نه‌كه‌ ده‌ڵێت "له‌ڕێگه‌ی چه‌ند ئه‌ندامێكی ئه‌نجومه‌نه‌كه‌وه‌ داوای روونكردنه‌وه‌ی له‌ به‌رزترین ده‌سه‌ڵات ده‌كرێت بۆ كار له‌ بڕیاره‌كان ناكرێت".

ره‌مه‌زان نامیق، بڕیارده‌ری لیژنه‌ی یاسا له‌ ئه‌نجومه‌نی پارێزگا سلێمانی رایگه‌یاند "ئه‌نجومه‌نی پارێزگا سوره‌ له‌سه‌ر بڕیاره‌كانی كه‌ تایبه‌ته‌ به‌ دانانی كامێراكانی تۆماركردنی تیژڕه‌وی و بۆ ئه‌و مه‌به‌سته‌ش له‌ڕێگه‌ی ئه‌ندامێكی ئه‌نجومه‌نی پارێزگاوه‌ داوای روونكردنه‌وه‌ له‌ به‌رزترین ده‌سه‌ڵاتی جێبه‌جێكار ده‌كات كه‌ هۆكاری جێبه‌جێ نه‌كردنی بڕیاره‌كانمان چییه‌".

ئاماژەی بەوەکردووە "به‌پێی یاسا هه‌ر بڕیارێك له‌ ئه‌نجومه‌نه‌وه‌ ده‌ربچێت پێویسته‌ پارێزگار و سه‌رجه‌م فه‌رمانگه‌ حكومییه‌ په‌یوه‌ندیداره‌كان پێوه‌ی پابه‌ندبن، به‌ پێچه‌وانه‌وه‌ به‌رپرسیارێتی یاسایی و ئیدارییان دكه‌وێته‌ سه‌رشان".

س،ر