مه‌ودا میدیا-

له‌باره‌ی بڵاوبوونه‌وه‌ی په‌تای سكچوون و رشانه‌وه‌ و زیادبوونی ئاماره‌كانی په‌تاكه‌ روونكردنه‌وه‌ ده‌درێت و به‌ڕێوه‌به‌ری نه‌خۆشخانه‌ی دكتۆر جه‌مال ئه‌حمه‌د ره‌شیدی منداڵان له‌ سلێمانی ده‌ڵێت "ئه‌وه‌ی بڵاوكراوه‌ته‌وه‌ هه‌ڵه‌یه‌ و ئه‌و ژماره‌یه‌ی سه‌ردانی نه‌خۆشخانه‌ ده‌كه‌ن مه‌رجه‌ نییه‌ سه‌رجه‌میان تووشی په‌تای سكچوون و رشانه‌وه‌ بووبن و ژماره‌یه‌كیان تووشی په‌تا وه‌رزییه‌كان بوون".

دكتۆر پشده‌ر عه‌بدوڵڵا، به‌ڕێوه‌به‌ری نه‌خۆشخانه‌ی دكتۆر جه‌مال ئه‌حمه‌د ره‌شیدی منداڵان له‌ سلێمانی بە مه‌ودا میدیا رایگه‌یاند "ئه‌و ئاماره‌ی له‌باره‌ی بڵاوبوونه‌وه‌ی په‌تای سكچوون و رشانه‌وه‌ بڵاوكراوه‌ته‌وه‌ له‌ناو نه‌خۆشخانه‌ی منداڵان له‌ سلێمانی به‌دروستی بڵاونه‌كراوه‌ته‌وه‌ چونكه‌، ئه‌وانه‌ی هاتوونه‌ته‌ نه‌خۆشخانه‌كه‌ ژماره‌یه‌كیان سكچوون و رشانه‌وه‌یان بووه‌و ئه‌وانی دیكه‌ په‌تا وه‌رزییه‌كان بوون".

باسی له‌وه‌شكرد "بۆ ئه‌م وه‌رزه‌ تاراده‌یه‌ك ئاماری سكچون و رشانه‌وه‌ زیادیكردووه‌ بۆ ئه‌وه‌ش رێكاری پێویست له‌ نه‌خۆشخانه‌كان گیراوه‌ته‌به‌رو ده‌رمان و پێداویستییه‌كانیش ئاماده‌كراون".

س.ر