مەودا میدیا-

لیژنەی فەتوای ئایینی هەرێمی كوردستان رایگەیاند، بەپێی شەرع ناتوانین بڕیار لەسەر راگرتنی نوێژی هەینی بدەین، ئەوانەشی بەهۆی كۆرۆناوە دەمرن شەهیدن.

ئەمڕۆ سێشەممە 3ی ئادار، لیژنەی فەتوانی ئایینی ئیسلامی كوردستان لە كۆنگرەیەكی رۆژنامەوانیدا رایگەیاند "بڕیاردان لەسەر راگرتنی نوێژی هەینی لە مزگەوتەكان كارێكە پێچەوانەی شەرعه و بەپێی شەرع ناكرێت".

وتیشی "تەنیا ئەوانەی گومانی نەخۆشی كۆرۆنایان لەسەره نابێت بچنە نوێژە بە كۆمەڵەكان، ئەوانەشی بەهۆی ئەو نەخۆشیەوە دەمرن شەهیدن".

باس لەوەشكرا "كۆبوونەوە ئایانییەكانی مەولود و ئاهەنگەكانی تر پێویستییە بۆ ئەم دۆخەی ئێستا رابگیرێن و پرسەكانیش رابگیرێن لەبەرژەوەندی تەندروستی هاوڵاتیانە".