مەودا میدیا-

فەرماندەیی ئاسایشی کەناراوەکانی تورکیا ئاشکرایکردووە 963 كۆچبه‌ری نایاسایی كه‌ له‌لایه‌ن هێزه‌ ئه‌منییه‌كانی یۆنانه‌وه‌ بۆ ناو سنوورە ئاوییه‌كانی توركیا لە دەریای ئیجە گه‌ڕێندرابوونه‌وه‌، له‌ كه‌ناراوه‌كانی پارێزگای ئیزمیر و موغڵا و چاناکالە رزگاركران. 

لە راگەیەندراوێکدا فەرماندەیی ئاسایشی کەناراوەکانی تورکیا رایگەیاند "لە رۆژانی نێوان 14-20ی تشرینی یەکەمی 2022دا تیمە گەڕۆکەکان توانیویانە 963 کۆچبەری نایاسایی رزگاربکەن کە 238یان منداڵ بوون و له‌لایه‌ن هێزه‌ ئه‌منییه‌كانی یۆنانه‌وه‌ گه‌ڕێندراونه‌ته‌وه‌ بۆ ناو ئاوه‌كانی توركیا لە سنوورەکانی هەر سێ پارێزگای ئیزمیر، موغڵا و چاناکالە".

 

ئاماژە بەوەشکراوە "كۆچبه‌ره‌ نایاساییه‌كان دوای ئه‌وه‌ی گه‌یەندرانە وشكانی و رێكاره‌كانیان بۆ ته‌واوكرا، راده‌ستی به‌ڕێوه‌به‌رایه‌تیی فه‌رمانگه‌ی كۆچ كران.   

 

س.ر