مەودا میدیا-

سێ هاوڵاتیی قەزای شارباژێر كە بۆ بەشداری لە پرسە چوونە رۆژهەڵات لەلایەن هێزە ئەمنییەكانی ئێران تەقەیان لێكراوەو بەهۆیەوە یەكێك لەو هاوڵاتییانە گیانی لەدەستداوەو دوو كەسی دیكەشیان برینداربوون.

شاهۆ عوسمان، قایمقامی شارباژێڕ رایگەیاندووە "سێ هاوڵاتی ھەرێم دانیشتوی ناحیەی باسنێی سەر بە قەزای شارباژێرن و بۆ بەشداریكردن لە پرسە چوونەتە رۆژهەڵات، لەلایەن سوپای پاسدارانەوە تەقەیان لێكراوە".

وتیشی "یەكێك لە ھاوڵاتییەكان بەناوی داستان رەسوڵ گیانی لەدەستداوە و دوو كەسی دیكەش بریندار بوون كە یەكێك لە بریندارەكان باوكی كوژراوەكەیە و ئێستاش لایەنە پەیوەندیدارەكانی ھەرێمی كوردستان لێكۆڵینەوە لە رووداوەكە دەكەن".

ك. م