مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی دوو تۆمەتباری راگەیاند لە قەزای دەربەندیخان بە تۆمەتی ئەنجامدانی کاری دزی.

لە راگەیەندراوەکەی پۆلیسی سلێمانی هاتووە "دوای‌ ئه‌وه‌ی‌ چه‌ند هاوڵاتییه‌ك له‌به‌شی‌ پۆلیسی‌ ده‌ربه‌ندیخان سكاڵایان تۆماركرد كه‌ دزی جۆراوجۆریان لێكراوه‌ وه‌ك دزینی‌ پاره‌و ئاڵتون و دەمانچە، ده‌ستبه‌جێ هێزه‌كانی‌ پۆلیس لێكۆڵینه‌وه‌كانی‌ ده‌ستپێكردو دوای‌ وه‌رگرتنی‌ بڕیاری‌ به‌ڕێز دادوه‌ر، توانرا دوو تۆمه‌تبار له‌لایه‌ن مه‌فره‌زه‌كانی‌ به‌شی‌ پۆلیسی‌ ده‌ربه‌ندیخانه‌وه‌ ده‌ستگیربكرێن".

ئاماژە بەوەشکراوە "هه‌ردوو تۆمه‌تبار (ب، ه، م) و (ك، ع، م) له‌به‌رده‌م به‌ڕێز دادوه‌ری‌ لێكۆڵینه‌وه‌دا دانیان به‌تاوانه‌كه‌یاندا ناوه‌ كه‌ چه‌ندین تاوانی‌ دزیكردنیان له‌سنوری‌ قه‌زای‌ ده‌ربه‌ندیخان ئه‌نجامداوه‌".

ئەوەش هاتووە "له‌ئێستادا هه‌ردوو تۆمه‌تبار به‌بڕیاری‌ به‌رێز دادوه‌رو به‌پێی‌ مادده‌ی‌ 443 له‌یاسای‌ سزادان ڕاگیراون‌و لێكۆڵینه‌وه‌ له‌گه‌ڵیاندا به‌رده‌وامه‌".

س.ر