مەودا میدیا- سازگار ئەحمەد

ناوچەکانی سنووری ئیدارە گەرمیان بەردەوام لەلایەن چەکدارانی داعشەوە هێرش دەکرێتە سەریان،  بەڕێوەبەری ئاسایشی ناحیەی کۆکس دەڵێت "ئەم ماوەیە جموجوڵەکانی چەکدارانی داعش کەمیکردووە".

شەماڵ عەبدولڕەحمان، بەڕێوەبەری ئاسایشی ناحیەی کۆکس لە سنووری ئیدارەی گەرمیان بە مەودا میدیای راگەیاند "ماوەیەکە جموجوڵەکانی چەکدارانی داعش کەمیکردووە و ناوچەکە ئارامە، هەروەها هەماهەنگییەکی زۆرباشیش لەنێوان هێزەکانی پێشمەرگە و سوپای عیراق هەیە".

بەڕێوەبەری ئاسایشی ناحیەی کۆکس وتی "لە وەرزی سەرمادا چەکدارانی داعش هێرشەکانیان زیاتر دەبێت، بەڵام لەئێستادا ئامادەکاری دەکرێت بۆ دانانی روناکی زیاتر لەو ناوچانەی کە مەترسی هێرشکردنە سەریان هەیە".

س.ر