مەودا میدیا-

بەبۆنەی ساڵیادی دامەزراندنی یەکێتیی ژنانەوە بافڵ جەلال تاڵەبانی، سەرۆکی یەکێتیی نیشتمانیی کوردستان پیرۆزبایی لە یەکێتیی ژنان دەکات.

لە پەیامەکەدا هاتووە "یەکێتیی ژنانی کوردستان لە ماوەی 33 ساڵی کارکردنیدا، رۆڵێکی گرنگ و بەرچاوی گێڕاوە لە داکۆکیکردن لە مافەکانی ژنان و گەشەپێدانی تواناکانیان, وێستگەیەکی گرنگی پێگەیاندنی دەیان ژنی سەرکردە و کادری بەتوانا بووە کە بەشداری گرنگیان هەبووە لە پرۆسەی سیاسی و بەڕێوەبردنی وڵاتدا. ئەمەش دەرخەری ئەو راستییەیە کە یەکێتیی نیشتمانیی کوردستان باوەڕێکی پتەو و نەگۆڕی بە مافەکانی ژنان و تواناکانیان هەیە و بەردەوام داکۆکیکارێکی سەرسەختی ئازادی و یەکسانی بووە".

ئاماژەی بەوەشکردووە "هیوادارم لە ساڵی نوێی کارکردنتاندا بەهەمان رۆحییەتەوە لە هەوڵەکانتان لەپێناو بەدیهێنانی داوا رەواکانی ژنان و دەستەبەرکردنی مافەکانیان لە کارکردن بەردەوامبن و ئێمەش پاڵپشت و پشتیوانتان دەبین".

س.ر