مەودا میدیا-

بەڕێوەبەرایەتیی هاتوچۆی هەولێر  سەرجەم هاوڵاتییان و ئەو کەسانەی سەردانی بەشەکانی هاتوچۆی هەولێر دەکەن، داوایان لێدەکات بەڵگەنامەکانیان وێنە رەسەنەکە بێت.

لە راگەیەنراوەکەی بەڕێوەبەرایەتی هاتوچۆی هەولێر هاتووە "ئاگاداری سەرجەم هاوڵاتییان و سەردانکەرانی بەشەکانی بەڕێوەبەرایەتیی هاتوچۆی هەولێر دەکەینەوە کەوا لە کاتی سەردانیکردن بۆ هەر کارێکی (تۆمارکردن، گواستنەوەی خاوەندارێتی، تازەکردنەوە، دەرهێنانی مۆڵەت یان تازەکردنەوەی) دەبێت بەڵگەنامەکانیان وێنە رەسەنەکە بێت".

هاتوچۆی هەولێر ئاماژەی بەوەشکردووە "بەهیچ شێوەیەک کار بە بەڵگەنامەی کۆپیکراو، یان تێکچوو ناکرێت".

س.ر