مەودا میدیا- سازگار ئەحمەد

پرۆژەی دروستکردنی یەکەی نیشتەجێبوون بۆ کەمئەندامان گەیشتووەتە قۆناغی کۆتایی و چاوەڕێی سەرۆکی حکومەتی هەرێمی کوردستان دەکرێت پەسندی بکات.

سامان حسێن، سەرۆکی یەکێتی کەمئەندامانی کوردستان بە مەودا میدیای راگەیاند "سەرجەم رێکارەکانی دروستکردنی یەکەی نیشتەجێبوونی کەمئەندامان کۆتایی هاتووە و چاوەڕوانی ئەوەین سەرۆکی حکومەتی هەرێمی کوردستان پەسندی بکات".

ئاماژەی بەوەشکرد "لە دوای پەسندکردنی بەردی بناغەی پرۆژەکە دادەنرێت و دەست بە جێبەجێکردنی دەکرێت، دواتر بەپێی چەند مەرجێک فۆڕمی ئەو یەکانە بەسەر کەمئەنداماندا دابەشدەکرێت".

س.ر