مەودا میدیا-

سەرۆك بافڵ جەلال تاڵەبانی ‏‎ پەیامێكی پیرۆزبایی بۆ ساڵیادی دامەزراندنی شاری سلێمانی بڵاودەكاتەوە و راشیگەیاندووە "سلێمانی رۆحمانە و دەیپارێزین، هیچ هەڵەیەكیش بەرامبەری قبووڵ ناكەین".

بافڵ جەلال تاڵەبانی، ‏‎سەرۆكی یەكێتیی نیشتمانیی كوردستان رایگەیاندووە "سلێمانی بۆ ئێمە تەنیا شارێك نییە، بەڵكو لانكەیەكە بۆ لەدایكبوونی رۆحی نیشتمانپەروەری، سیمبوولی بەگژداچوونەوەی نادادییە و هەوێنێكە بۆ بیری ئازادیخوازی و دیموكراسی، ‏‎دەبێت هەمووان لەئاست ئەو راستییە مێژووییە ملكەچ بن كە هیچ رەشەبایەكی لەرزۆك ئەم شارە زیندووەی نەبەزاندووە. بەگژ هەموو ئەو بیركردنەوانەشدا دەچێتەوە كە دەیانەوێت ئەو رۆحە زیندووە لەم شارە بزێوە بسەننەوە و بە عەقڵییەتی تۆڵەسەندنەوە و سیاسەتی ناتەندروستەوە گەمارۆی بدەن".

راشیگەیاندووە "‏‎سلێمانی خوێنە و بە دەمارەكانماندا دەگەڕێت، سلێمانی رۆحمانە و دەیپارێزین، سازشی لەسەر ناكەین و هیچ هەڵەیەكیش بەرامبەری قبووڵ ناكەین".‏‎

لە كۆتایی پەیامەكەیدا سەرۆك بافڵ جەلال تاڵەبانی، رایگەیاندووە "پیرۆز و شكۆداربێت ساڵیادی دامەزراندنی شاری سلێمانی".

ك م 
‏‎