مەودا میدیا-كاروان مەحمود 

ئەندامێكی لیژنەی پەروەردە و خوێندنی باڵا لە پەرلەمانی كوردستان باس لە بەردەوامی هەوڵەكان دەكات بۆ دابینكردنی دەرماڵەی خوێندكارانی زانكۆ و ئەوەش دەڵێت "پرۆژە یاسای پەروەردە و فێركاری كە ئەمڕۆ لە پەرلەمان پەسەندكرا سودی زۆری دەبێت بۆ پێشكەوتنی پرۆسەی پەروەردە و خوێندن".

شەمۆڵ ئاشتی سابیر، ئەندامی لیژنەی پەروەردە و خوێندنی باڵا و توێژینەوەی زانستی پەرلەمانی كوردستان بە مەودا میدیای راگەیاند "هەوڵەكان بۆ دابنیكردنی دەرماڵە بۆ خوێندكارانی زانكۆ بەردەوامی هەیە و چاوەڕواندەكرێت لە رۆژانی داهاتوو بڕیاری لەبارەوە بدرێت و دەرماڵەكەیان بۆ خەرج بكرێت".

باسی لەوەشكرد "پرۆژە یاسای پەروەردە و فێركاری كە ئەمڕۆ لە پەرلەمانی كوردستان پەسەندكرا سودی زۆری دەبێت بۆ پێشخستنی كەرتی پەروەردە و ئەو گرفتانەشی پێشتر دەوترا لە پرۆژە یاساكەدا هەبووە سەرجەمی چارەسەر كراوە".

ك. م