مەودا میدیا-كاروان مەحمود

كەمبوونەوەی ماوەی پێدانی كارەبای نیشتمانی نیگەرانی دروستكردووە و وتەبێژی وەزارەتی كارەباش دەڵێت "بەرهەمی كارەبا وەكو خۆیەتی و هیچ كەمبوونەوەیەك روینەداوە بەڵام كەمبوونەوەی ماوەی پێدانی كارەبا بەهۆی زیادبوونی خواستە لەسەر كارەبا".

ئومێد ئەحمەد، وتەبێژی وەزارەتی كارەبای حكومەتی هەرێمی كوردستان لە لێدوانێكدا بە مەودا میدیای راگەیاند "لە ئێستادا هیچ كێشیەك لە وێستگەكانی بەرهەمهێنانی كارەبای نیشتمانی نییە و هۆكاری كەمبوونەوەی كارەباش بۆ زیاد بوونی خواستە لەم وەرزدا".

راشیگەیاند "وەكو وەزارەتی كارەبا ئەمڕۆ كۆبوونەوەیەك كراوە بەمەبەستی دانانی پلان و بەرنامە بۆ پێدانی كارەبا لە وەرزی زستان بەجۆرێك وەكو پێویست كارەبا بدرێتە هاوڵاتییان".

ك. م