مەودا میدیا-

درەنگانی شەوی رابردوو و بەرەبەیانی ئەمڕۆ ئێران لە چەند ناوچەیەکەوە بۆردوومانی هەرێمی کوردستان کرد و ئەمەریکاش سەرکۆنەی ئەو هێرشانە دەکات.

ئەمڕۆ دووشەممە 21ی تشرینی دووەمی 2022  ئێریک کوریلا، فەرماندەی فەرماندەیی ناوەندی سوپای ئەمەریکا رایگەیاند "سەرکۆنەی هێرشە مووشەکی و درۆنییەکەی ئێران بۆسەر نزیک لە هەولێر لە عیراق دەکەین".
 
ئاماژەی بەوەشکرد "ئەو هێرشە ناڕەوایانە ژیانی خەڵکی مەدەنی دەخەنە مەترسییەوە، سەروەریی عیراق پێشێل دەکەن و ئەو مەترسی و سەقامگیرییەی عیراق و رۆژهەڵاتی ناوەڕاست دەخەنە مەترسییەوە کە بە زەحمەت بەدەستهاتووە". 

ئێران بە بیانووی حزبەکانی رۆژهەڵاتەوە درەنگانی شەوی رابردوو و بەرەبەیانی ئەمڕۆ بە درۆن و مووشەک هێرشیکردە سەر بارەگاکانی حزبی دیموکراتی کوردستانی ئێران لە کۆیە و جێژنیکان لە بەحرکەی هەولێر؛ هەروەها حزبی کۆمەڵەی شۆڕشگێڕ لە زڕگوێز.

س،ر