مەودا میدیا-

قائیمقامی سلێمانی رایگەیاند بەمەبەستی وشیاركردنەوەی هاوڵاتیان و پاراستنیان دەست بە دابەشكردنی پۆستەر دەكەین.

ئاوات محەمەد، قائیمقامی سلێمانی لە كۆنگرەیەكی رۆژنامەوانیدا رایگەیاند "بەمەبەستی وشیاركردنەوەی هاوڵاتیان و پێدانی رێنمایی گرنگ و پێویست، لەو دۆخەی ئێستا پۆستەر بڵاودەكەينەوە بە هەموو شوێن و ناوچەكان".

ئاماژەی بەوەش كرد "100 هەزار پۆستەی بچوك ئامادەكراوە  ولەرێگەی لیژنەكانمانەوە دابەشی دەكەین بەسەر هاوڵاتیان، تەواوی ئەو رێنمایی و خۆپارێزیانەی تێدایە كە بۆ ئەو دۆخەی ئێستای هاوڵاتیان گرنگە".

ئاوات محەمەد داواشی لە هاوڵاتیان كرد تا دەكرێت خۆیان بپارێزن و دووربكەنەوە لە شوێنی قەرەباڵغ و پابەندی رێنماییەكان بن لە پێناو سەلامەتی گیانی خۆیان.