مەودا میدیا-

بۆ زیاتر رێگریكردن لە بڵاوبوونەوەی ڤایرۆسی كۆرۆنا دوكاندارەكانی بازاڕی شاری سەقز لە رۆژهەڵاتی كوردستان بریاریاندا دوكانەكانیان دابخەن.

ئەمڕۆ پێنجشەممە 5ی ئادار، دوكاندارەكانی بازاڕی شاری سەقز لە رۆژهەڵاتی كوردستان بۆ رێگریكردن و زیاتر بڵاونەبوونەوەی ڤایرۆسی كۆرۆنا هەستان بەداخستنی دوكانەكانیان و بۆ ماوەی یەك هەفتە.

پێشتر دوكانەكان قەرەباڵغەكانی وەك جلوبەرگ و قوماش و بەرگدور و فەرش فرۆشەكان دوكانەكانیان داخستبوو، ئەوەش دوای ئەوە دێت كە دوێنێ چوارشەممە دووەم حاڵەتی مردن لە شاری سەقز بەهۆی كۆرۆناوە گیانی لەدەستدا و 32 كەسیش توشی ڤایرۆسەكە بوون.