مەودا میدیا-

فەرمانگەی میدیا و زانیاریی حکومەتی هەرێمی کوردستان ئاشکرایکرد سەرۆکی حکومەت  فەرمانی لێخۆشبوون بۆ هه‌زار و 659 کارمەندی حوکمدراوی هێزەکانی ئاسایشی ناوخۆ کە تاوانی هەڵهاتنیان ئەنجام داوە و ئەرکەکانیان جێ هێشتووە دەرکرد.

ئه‌مڕۆ سێشه‌ممه‌ 29ی تشرینی دووەمی 2022 فەرمانگەی میدیا و زانیاری رایگەیاند "پاڵپشت بە فەرمانی ھەرێمی لە رۆژى 27/11/2022 مەسرور بارزانی، سەرۆکی حکوومەتی هەرێمی کوردستان، فەرمانی لێخۆشبوون بۆ هه‌زار و 659 کارمەندی حوکمدراوی هێزەکانی ئاسایشی ناوخۆ کە تاوانی هەڵهاتنیان ئەنجام داوە و ئەرکەکانیان جێ هێشتووە، دەردەکات".

ئاماژە بەوەشکراوە "ئەم لێبوردنە تایبەتە و تەنها ئەو حوکمدراوانە دەگرێتەوە، کە تەنها تاوانی هەڵهاتنیان ئەنجام داوە و هیچ سزایەکی تەبەعی و تەکمیلی و ئاسەوارێکی سزایی دیکە ناگرێتەوە."

س.ر