مەودا میدیا-

بەڕێوەبەرایەتیی پۆلیسی پارێزگای هەولێر دەستگیرکردنی تۆمەتبارێکی راگەیاند بەپێی مادەی 7ی تووندوتیژیی خێزانی و دەستیش بەسەر چەکێک و چەقۆیەکدا گیراوە.

ئەمڕۆ سێشەممە 29ی تشرینی دووەمی 2022 پۆلیسی هەولێر رایگەیاند "بنکەی پۆلیسی شاوێس، تۆمەتبارێکیان بە ناوی (ر. ھ. ح) دەستگیر کرد کە بەپێی مادەی 7ی توندوتیژیی خێزانی فەرمانی دەستگیرکردنی هەبوو".

ئاماژە بەوەکراوە "تۆمەتباری ئاماژەپێکراو، لە کاتی دەستگیرکردنیدا بە چەکێکی جۆری دەمانچە ڕووبەڕووی هێزەکانی پۆلیس بووەوە، بەڵام هەر زوو توانرا دەستگیر بکرێت و وێڕای دەستبەسەرداگرتنی دەمانچەیەک و چەقۆیەک، پەڕاوی لێکۆڵینەوە بۆ تۆمەتبار رێکخرا و رادەستی دادگا کرا".

س.ر