مەودا میدیا-

بەڕێوەبەرایەتیی بەرەنگاربوونەوەی تووندوتیژی دژی ئافرەتان و خێزان لە سلێمانی ئاشکرایکرد کچێک لە ماڵی خۆیاندا لە شاری سلێمانی براكانی زیندانییانكردووە و ئەشكەنجەیانداوە، ئاماژە بەوەکراوە ئێستا رزگاركراوە و براكانی خراونەتە زیندان.

بەڕێوەبەرایەتیی بەرەنگاربوونەوەی تووندوتیژیی دژی ئافرەتان و خێزان لە سلێمانی رایگەیابد "دوێنێ سێشەممە 29ی تشرینی دووەمی 2022 پاش ئەوەی هەواڵدەرێک هەواڵی دا کە کچێک بە ناوی (ش. م. م) تەمەن (25) ساڵ لە ژێر ئەشکەنجەدایە و لەلایەن براکانییەوە لە ماڵی خۆیان زیندانیکراوە، بە بڕیاری دادوەر تیمەکانیان لە نووسینگەی rۆژئاوای بەڕێوەبەرایەتییەكە گەیشتوونەتە شوێنی مەبەست و کچەکەیان رزگاركردووە".

ئاماژە بەوەکراوە "كچەكە سکاڵای تۆمارکردووە و بە بڕیاری دادوەر براکانی دەستگیرکراون، کچەکەش رەوانەی نەخۆشخانە کراوە بە مەبەستی ئامادەكردنی راپۆرتی پزیشکی لەبارەی كەیسەكەوە و لێکۆڵینەوە بەردەوامە".

س.ر