مەودا میدیا-

 وه‌زاره‌تی ته‌ندروستی حكومه‌تی هه‌رێمی كوردستان سه‌ردانیكردنی نه‌خۆشی له‌ سەرجەم نه‌خۆشخانه‌كان قەدەغە کرد لەپێناو بەرژەوەندیی گشتی.

وه‌زاره‌تی ته‌ندروستی حكومه‌تی هه‌رێمی كوردستان راگەیاندراوێکی بڵاوکردەوە و رایگەیاند  "لەپێناو بەرژەوەندی گشتی بۆ رێگە گرتن لە ترسناکی بڵابوونەوەی نەخۆشی ڤایرۆسی کۆرۆنای نوێ (COVID-19) و دوابەدوای بڕیارەکانی بەرێوەبەرایەتییە گشتییە تەندروستییەکانی پارێزگاکان"، بڕیارماندا بە:

1-قەدەغەکردنی تەواوی سەردانکردنی هاووڵاتییان بۆ نەخۆشخانەکان و سەنتەرەکان لەکەرتی گشتی و تایبەت (نەخۆشخانەکانی حکومی و ئەهلی).

2-دەبێت لە قاوشی نەخۆشخانەکان نەخۆش تەنها یەک هاوەڵی زیاتری لەگەڵدا نەبێت و لەبەشەکانی چاودێری چڕ پێویست بەبوونی هاوەڵی نەخۆش ناکات.

ئاماژە بەوەشکراوە "هیوادارین هاوڵاتییان پابەندی بڕیار و رێنماییەکانی وەزارەتی تەندروستی بن بۆ پاڵپشتی هەموو لایەک لە کۆنتڕۆڵکردنی بڵاوبوونەوەی ئەم نەخۆشییە".