مەودا میدیا- سازگار ئەحمەد

قایمقامی قەزای شنگال کارکراکردنەوەی لیژنەی مادەی 140 بە گرنگ ناودەبات و رایدەگەیەنێت ئەگەر حکومەتی عیراق فێڵ نەکات و بەڕاستی و دروستیی کارەکانی بکات ئەوا دەتوانێت دۆخی قەزای شنگال باشتربکات.

مەحما خەلیل، قایمقامی قەزای شنگال بە مەودا میدیای راگەیاند "دۆخی ئەمنی و ئابووری و خزمەتگوزاری قەزای شنگال زۆرخراپە، بەهۆی خراپی دۆخیشەوە بەشێک لە هاوڵاتییان دەیانەوێت ناوچەکە جێبهێڵن".

قایمقامی قەزای شنگال لەبارەی کاراکردنەوەی لیژنەی مادەی 140 وتی "کاراکردنەوەی لیژنەی مادەی 140 کاریگەری باشی دەبێت و بە جێبەجێکردنی دۆخی ناوچەکانی دەرەوەی ئیدارەی هەرێمی کوردستان باشتردەبێت و کۆتایی بە بەشێک لە ململانێ سیاسییەکان دەهێنێت".

وتیشی "ململانێی نێوان گەریلاکانی پەکەکە و تورکیا و هەبوونی سوپای عیراق لە شنگال بووەتە مەترسی و بێزاربوونی هاوڵاتییانی قەزای شنگال".

لەبارەی حکومەتی نوێی عیراقەوە ئاماژەی بەوەکرد "ئەگەر حکومەتی عیراق فێڵ نەکات و بەڕاستی و دروستیی کارەکانی بکات ئەوا دەتوانێت دۆخی قەزای شنگال و ناوچەکانی دیکە دەرەوەی ئیدارەی هەرێمی کوردستان باشتربکات".

 لە مانگی رابردوو دوای کۆبوونەوەی لایەنە سیاسییەکانی عیراق لەگەڵ بافڵ جەلال تاڵەبانی، سەرۆکی یەکێتیی نیشتمانیی کوردستان بڕیاری کاراکردنەوەی لیژنەی مادەی 140 درا.

س.ر