مەودا میدیا-

ئەمینداری گشتی یەكگرتووی ئیسلامی لە یادی سوتاندنی بارەگاكانی یەكگرتوو لە بادینان لە هەڵمەتی هەڵبژاردنی 2005دا دەڵێت "یادی شەهیدانی بادینانە رۆژی وەفای یەكگرتووە بوێرو دلێرەكانە و یادی دیمەنی تاڵانچی و قاتڵ و دوكەڵی بارەگا سوتاوەكانە، قورئانی سوتاو و ئازادی سەربڕاوە".

سەلاحەدین محەمەد بەهائەدین، ئەمینداری گشتيی یەكگرتووی ئیسلامی كوردستان لە یادی شەهیدانی 6-12-2005 لە بادینان  رایگەیاندووە "6ی 12 یادی شەهیدانی بادینانە، رۆژی وەفای یەكگرتووە بوێر و دلێرەكان، خوێنی بەناهەق رژاوی م.مشیری سەركردەو م.شەفیق و م.عەبدولڕەحمان و كاكە عصمەت نوێنەری گەنجانە".

ئەمنیداری گشتی یەكگرتوو ئەوەشی خستووەتە روو "6ی 12 یادی دیمەنی تاڵانچی و قاتڵ و دوكەڵی بارەگا سوتاوەكانە، قورئانی سوتاو و ئازادی سەربڕاوە، داخۆ ناحەزان لەبیریان بێت، چونكە ئێمە بەشێك لە سەروەریمانە".

ك م