مەودا میدیا- 
بەڕێوەبەری نەخۆشخانەی د.جەمال ئەحمەد رەشیدی منداڵان لە سلێمانی ئاگاداری دایكان و باوكان دەكاتەوە ئەوانەی منداڵی نەخۆشی پەركەمیان هەیە لەدەرەوە دەرمان نەكڕن و لە نەخۆشخانەكە بەردەستن و باسی لەوەشكردووە "دەرمانەكان تا تەمەنی 18 ساڵ بەردەستن". 

د.پشدەر عەبدوڵڵا، بەڕێوەبەری نەخۆشخانەی د. جەمال ئەحمەد رەشیدی مناڵان لە شاری سلێمانی رایگەیاندووە "بۆ هەموو منداڵانەی تەمەنیان تا 18ساڵە و نەخۆشی پەركەمیان هەیە و لەسەر دەرمانی درێژخایەنن، ئاگادارتان ئەكەینەوە كە ئەو دەرمانانە لە نەخۆشخانەی منداڵانی فێركاری دكتۆر جەمال ئەحمەد رەشید بەردەستەو پێویست ناكات لە دەرەوە بیكڕن".

راشیگەیاندووە "ئەوەی پێویستە دەفتەری نەخۆشیە درێژخایەنیەكانیان بۆ دروست بكرێت و مانگانە دەرمانەكان وەردەگرن".
ئەو دەرمانانەشی دیاریكردووە كە لە نەخۆشخانەكە بەردەستن و بەجۆرەیە: 

Depakin drop ,tab ,syrup

Tegretol syrup tab 

Keppra syrup ,tab 

Respal syrup

Luminal 15mg tab

Lamotrigine 50mg tab

Baclofen 10mg tab

شڕاب دیپاكین
قەترەی دیپاكین
حەبی دیپاكین
قەترەی كێپڕا
حەبی كێپڕا
شڕاب تیگریتۆڵ
شڕاب ڕێسپاڵ
حەبی لیومیناڵ 
حەبی لامۆتریجین
حەبی باكلۆفین

ك م