مەودا میدیا-

به‌فه‌رمانی قائیمقامی سلێمانی، لیژنه‌ هاوبه‌شه‌كان به‌ هاوكاری لیژنه‌كانی چاودێری بازرگانی و گه‌شتوگوزار و ته‌ندروستی و ئاسایشی ئابوری كه‌ئیستا له‌ 78 لیژنه پێكهاتون و به‌شێوه‌یه‌كی به‌رده‌وام سەردانی تەواوی شوێنەكان دەكەن.

لەشكر حەمید، سەرۆكی لیژنە هاوبەشكانی قائیمقامیەتی سلێمانی بە مەودا میدیای راگەیاند "تەواوی لیژنەكان چاودێریان چڕكردوەتەوە و سه‌ردانی كافتریا، چایخانه‌، چێشتخانه‌، ریستۆرانت و هه‌موو ئه‌و شوێنه‌ گشتییانه‌ی خواردن و خواردنه‌وه‌ پێشكه‌ش به‌ هاوڵاتیان ده‌كه‌ن".

وتیشی "لەرۆژانی داهاتوودا تەواوی ئەو لیژنانە بەشێوەی 24 كاتژمێری لە ئەركدا دەبن، ئەو لیژنانە سەردانی تەواوی بازاڕ و شوێنەگشتییەكان دەكەن و رێنمایی و خۆپارێزی دەدەنە هاوڵاتیان".

هەروەها وتی "هەر كەس و لایەن و شوێنێك سەرپێچی بكات بە توندی سزا دەدرێت و رووبەڕووی یاسا دەكرێتەوە".