مەودا میدیا- 

دوای تەواوكردنی سزاكانیان، پێنج لە زیندانی كراوانی شیلادزێ  ماوەی سێ رۆژە لەلایەن ئاسایشی هەولێر بەبێ هیچ هۆكارێك راگیرا بوون و ئەمڕۆ بەتەواوی ئازاد كران و سەرۆكی تیمی پارێزەرانی زیندانیكراوانیش دەڵێت "سەرجەمیان سزاكانیان تەواو كردووە و ئێستا گەڕاونەتەوە ماڵەكانیان". 

بەشدار حەسەن سەرۆكی تیمی پارێزەرانی سزادراوان بە مەودا میدیای راگەیاند "پێنج لە سزادراوانی شیلادزێ دوای تەواو كردن سزاكانیان بڕیاری ئازادكردنیان درا بەڵام بۆ ماوەی سێ رۆژ لە ئاسایشی هەولێر بەبێ هۆكار مانەوە".

باسی لەوەشكرد "ئەمڕۆ بەتەواو ئازاد كران و ئێستا سەرجەمیان گەڕاونەتەوە شیلادزێ و دوو ساڵی سزاكانیان كۆتایی هات".

ك م