مەودا میدیا-

وتەبێژی پۆلیسی گەرمیان بڵاویكردووەتەوە "ئێوارەی ئەمڕۆ لە ئەنجامی رووداوێكی هاتوچۆ هاوڵاتییەك گیانی لەدەستداوە و كوڕەكەشی بریندار بووە".

عەلی جەمال  قەدووری، وتەبێژی بەڕێوەبەرایەتی پۆلیسی گەرمیان بڵاویكردووەتەوە "ئێوارەی ئەمڕۆ یەكشەمە لەسەر رێگای كەلار - ناحییەی رزگاری رووداوێكی هاتوچۆ لەنێوان ئۆتۆمبێلێك لەجۆری توێتا و ماتوڕسكیلی سێ تایی روویدا و لەئەنجامدا سەرنشینی ماتوڕسكیلەكە بەناوی (حەیدەرمحەمەد عەلی) لەدایكبووی 1967 دانیشتووی ناحییەی رزگاری گیانی لەدەستداو كوڕەكەشی كە شۆفێری ماتۆڕسكیلەكەبووە برینداربووە".

باس لەوەشكراوە "لەئێستادا لەبەشی فریاكەوتنی شەهید هەژار چارەسەری پێویست بۆبریندارەكە كراوە و شۆفێری ئۆتۆمبێلەكەش بەبڕیاری دادوەرو بەپێی مادەی 24 هاتوچۆ بەندكراوە".

ك م