مەودا میدیا- سازگار ئەحمەد

دوای بڵاوبوونەوەی هەواڵی بەرزبوونەوەی نرخی گۆشتی سوور لە بازاڕەکاندا بۆ 20 هەزار دینار بەڕێوەبەری چاودێری و بازرگانیی سلێمانی ئاشکرایکرد نرخی گۆشت هیچ گۆڕانکارییەکی بەسەردا نەهاتووە.

سۆران عەبدولغەفور، بەڕێوەبەری چاودێری و بازرگانیی سلێمانی بە مەودا میدیای راگەیاند "نرخی گۆشتی سوور لە بازاڕەکاندا هیچ گۆڕانکارییەکی بەرسەردا  نەهاتووە و هەمان نرخی پێشوویەتی".

ئاماژەی بەوەشکرد "بەردەوام چاودێری بازاڕەکان دەکەین هەر گۆشتفرۆشێک نرخ بەرزبکاتەوە ئەوا رووبەڕووی یاسا دەکرێتەوە، چونکە نرخی گۆشت نەگۆڕاوە".

نرخی کیلۆیەک گۆشتی سوور لە بازاڕەکاندا 17 هەزار دینارە و لە هەندێک شوێنیش نرخی کیلۆیەک گۆشت لەنێوان 11 بۆ 13 هەزار دیناردایە.

س.ر