مەودا میدیا-

پۆلسی هەولێر لەبارەی تەقە كردنەكەی ئەمڕۆی تێرمیناڵی بەغدا لە پارێزگاكە روونكردنەوە دەدات و دەڵێت "شەش كەس لە ئاژاوە گێڕەكان دەستگیر كراون".

بەڕێوەبەرایەتیی پۆلیسی پارێزگای هەولێر  لە روونكردنەوەیەكدا رایگەیاندووە "ئەمڕۆ رێكەوتی 21-12-2022  كاتژمێر 1:00ی پاش نیوەڕۆ بەڕێوەبەرایەتی پۆلیسی پارێزگای هەولێر ئاگادار كرانەوە بەبوونی رووداوێكی تەقەكردن لە (تێرمیناڵی بەغدا) و  دوای گەیشتنی هێزەكانمان لە بەڕێوەبەرایەتی پۆلیسی پارێزگای هەولێر دەركەوت كەوا لە نێوان بەڵێندەر و ئەو كەسانەی كە كار لە شوێنی ناوبراو دەكەن بووەتە دەمەقاڵیان و لەئاكامدا تەقە لەنێوانیان درووست بووە".

باسی لەوەشكردووە "بەهۆی ئەو كێشەیەوە شەش كەس لە ئاژاوەگێڕەكان دەستگیركران كە یەكێكیان تەقەی كردووە و دەست بەسەر چەكی بەكارهاتووشداگیرا و پەڕاوی لێكۆڵینەوەیان بۆ رێكخرا و پەڕاوەكە رەوانەی بەردەم دادوەری ئێشكگر كرا بۆ ئەوەی رێككاری یاسایی دەرحەق بەو تەقەكەرانە بگیرێتەبەر".

ك م