مەودا میدیا-

وتەبێژی هاتوچۆی هەولێر رایگەیاندووە "بەهۆی رووداوێكی هاتوچۆ لە نێوان كیایەكی تایبەت و حەفارەیەك دوو كەس بوونەتە قوربانی و هەردوو شۆفێریش بە خەتەباری رووداوەكە دیاریكران".

فازڵ حاجی، وتەبێژی پۆلیسی هاتوچۆی هەولێر بڵاویكردووەتەوە "كاتژمێر6:15 خولەكی سەر لەئێوارەی ئەمڕۆ پێنج شەممە 22ی 12ی 2022 لەسەر رێگای سەرەكی "شەقلاوە باسرمە قەندیل" كیایەكی تایبەت بەهۆی تیژڕۆیی و بێئاگایی خۆی كێشاوە بەدواوەی حەفارەیەك، كە لەبەردەمی لەسەر رێگایەكە دەڕۆیشت ".

باسی لەوەشكردووە "بەهۆی رووداوەكە بەداخەوە شوفێری كیاكە گیانی لەدەستداوە و كەسێكیش برینداربووە و لەلێكۆلینەوەش هەردوو سوارۆ بە خەتابار دانران، چونكە حەفارەكە لەڕووی یاسایی بۆی نیە لەشەقامی سەرەكی بەڕۆیشتن بڕوات، بەڵكو دەبێت بگوازرێتەوە بەفلات، وە هەروەها هیچ مەرجێكی توندوتۆلیشی تێدا نەبووە لەڕووی گلۆپ و سەكنەكانیشی هیچی كاری نەدەكرد و نەدەتوانرا لەلایەن شۆفێران ببینرێت".

 

ك م