مەودا میدیا-

بەڕێوەبەری گەشتوگوزاری دهۆک ئاشکرایکرد لە ماوەی ئەمساڵدا زیاتر لە دوو ملیۆن گەشتیار روویان لە ناوچە گەشتیارییەكانی سنووری پارێزگای دهۆک كردووە.

ئەمڕۆ دووشەممە 26ی کانونی یەکەمی 2022 د. خەیری عەلی ئۆسۆ, بەرێوەبەری گەشتۆگوزاری پارێزگای دهۆك رایگەیاند "لە ئەمساڵدا 81 شوێنی نوێی گەشتیاری کراونەتەوە کە 901 شوێنی گەشتیاریمان هەیە و 250 لەو شوێنە گەشتیاریانە سرۆشتین". 

ئاماژەی بەوەکرد "تاوەکو مانگی 11ی ئەمساڵ دوو ملیۆن و 340 هەزار گەشتیار سەردانی شوێنە گەشتیارییەکانی سنووری پارێزگای دهۆکیان کردووە".

بەرێوەبەری گەشتوگوزاری پارێزگای دهۆك وتی "ئاهەنگی سەری ساڵی نوێ بە هەماهەنگی بەرێوەبەرایەتیی گشتیی رۆشنبیری و هونەری، سەندیکای هۆنەرمەندان، بەرێوەبەرایەتیی گەشتۆگوزار و پارێزگای دهۆك لە پارکی نەورۆز بەرێوەدەچێت".

س،ر