مەودا میدیا-

دژە تیرۆری كوردستان زانیاری لەباری كەوتنە خوارەوەی درۆنەكەی هەولێر ئاشكرا كردووە و دەڵێت "درۆنی چاودێریی هێزەكانی هاوپەیمانان بووە و بەهۆی كێشەیەكی تەكنیكییەوە كەوتووەتەوە خوارەوە".

دژە تیرۆری كوردستان لە روونكردنەوەیەكدا رایگەیاندووە "ئێوارەی ئەمڕۆ پێنجشەممە 29ی كانوونی یەكەمی 2022، كاتژمێر 19:00، فڕۆكەیەكی بێفڕۆكەوانی چاودێریی هێزەكانی هاوپەیمانان، بەهۆی كێشەیەكی تەكنیكییەوە لە چۆڵەوانییەكی نزیك جێژنیكانی سەر بە ناحیەی بەحركەی پارێزگای هەولێر كەوتە خوارەوە و هیچ زیانێكی لێ نەكەوتووەتەوە".

باسی لەوەشكردووە "هاوڵاتییان دڵنیا دەكەینەوە، كە رووداوەكە هیچ جێی مەترسیی نییە".

ك م