مەودا میدیا-

رێکخراوی کرێکارانی کوردستان ئاشکرایکرد 59 کرێکار لە ساڵی 2022دا لە هەرێمی کوردستان بەهۆی رووداوی جۆراوجۆرەوە گیانیان لەدەستداوە.

بەپێی ئامارێکی بەشی راگەیاندنی رێکخراوی کرێکارانی کوردستان کە بۆ مەودا میدیا نێردراوە، لە ساڵی 2022دا بەهۆی رووداوی جۆراوجۆرەوە و لە شوێنی کارەکانیان 59 کرێکار گیانیان لەدەستداوە.

هەر بەپێی ئامارەکە بێت، لەو 59 کرێکارەی گیانیان لەدەستداوە 21 کرێکاریان بیانین، هەروەها سێ لەو کرێکارانە ژن و چواریشیان تەمەنیان خوار 18 ساڵە.

رێکخراوەکە ئاماژەی بەوەکردووە، نەبوونی چاودێری و بێدەربەستی خاوەنکار و کۆمپانیاکان و دەسەڵات و نەبوونی پێداویستییەکانی سەلامەتی هۆکارن بۆ دروستبوونی رووداوەکان.

س.ر