مەودا میدیا-

بافڵ جەلال تاڵەبانی، سەرۆكی یەكێتیی نیشتمانیی كوردستان و عەبدولعەزیز محەمەداوی، سەرۆكی ئەركانی حەشدی شەعبی لە بەغدا كۆبوونەوە.
‏‎
لە كۆبوونەوەكەدا دۆخی ئەمنیی عیراق، روبەڕووبوونەوەی پاشماوەكانی داعش و هەماهەنگی نێوان هێزە چەكدارەكان لەپێناو پاراستنی ئاسایش و سەقامگیریی وڵات گفتوگۆیان لەبارەوەكرا.
‏‎
لە درێژەی كۆبوونەوەكەدا سەرۆك بافڵ جەلال تاڵەبانی ئاماژەی بە گرنگی و پێویستی هەماهەنگی نێوان هێزەكان كرد و رایگەیاند “هاریكاری و كاری هاوبەشی نێوان هێزەكان فاكتەرێكی بەهێزی پاراستنی سەقامگیریی وڵاتە و پێویستە لەوپێناوەشدا هەموومان هاوكاربین".

وتیشی "پێویستە هەموو هێزە ئەمنییەكان دوور لە لایەنداری پارێزەری ژیانی هەموو گەلانی عیراق بن و بۆ بەدیهێنانی ئەم ئامانجە باڵایەش دەبێت بە رۆحێكی نیشتمانی و بەرپرسیارانەوە كاربكەین".

ك م