مەودا میدیا- 

سەرۆکی سندوقی نێودەوڵەتی پارە دەڵێت، پێویستە چین درێژە بە سیاسەتی ئابوری خۆی لەدوای دروستبوونی کێشە لەم ساڵانەی دواییدا بدات کە بە هۆی کۆرۆناوە دروستبوو. دەشڵێت، گەڕانەوەی چین بۆ باردۆخی ئاسایی خۆی بەدڵنیاییەوە یارمەتیدەری گەشەی ئابوری جیهانە.

 

کریستالینا جۆرجیڤا، سەرۆکی سندوقی نێودەوڵەتی پارە دەڵێت، پێویستە چین درێژە بە سیاسەتی ئابوری خۆی لەدوای دروستبوونی کێشە لەم ساڵانەی دواییدا بە هۆی کۆرۆناوە بدات.

دەشڵێت، گەڕانەوەی چین بۆ باردۆخی ئاسایی خۆی بەدڵنیاییەوە یارمەتیدەری گەشەی ئابوری جیهانە.

جۆرجیڤا دەشڵێت، ساڵی 2023 ساڵێکی قورسی ئابوری دەبێت بۆ جیهان.

شارەزایانی ئابوری دەڵێن گەشەی ئابوری جیهان ئەمساڵ کەمدەبێتەوە، بەڵام بەبڕوای جۆرجیڤا، دەتوانرێت رێگری لەو کەوتنە بگیرێت.

بەرزبوونەوەی هەڵاوسان، شەڕی روسیا و ئۆکرانیا، بەرزبوونەوەی نرخەکان، بڵاوبوونەوەی کۆرۆنا لە چین کاریگەری لەسەر ئابوری جیهان دروستکردووە. 

سەرۆکی سندوقی نێودەوڵەتی پارە دەشڵێت، بەهیوان ساڵی 2024 ئابوری جیهان بەرەو باشتربوون بڕوات و ئەو باردۆخە قورسە نەمێنێت، بەڵام ئەوەش پەیوەستە بە کۆمەڵێک باردۆخ هۆکار وەک گۆڕینی کەش و هەوا و باردۆخی شەڕی روسیا و ئۆکرانیا و ئابوری جیهان.

 

ژ.م