مەودا میدیا-

پارێزگاری هەولێر لە کۆبوونەوەی ئەمڕۆی ئەنجومەنی پارێزگای هەولێردا بڕیارێکی تایبەتی بەو کەسانە دەرکرد کە لە وڵاتی ئێرانەوە بە قاچاخ دێنەوە شاری هەولێر.

 فرسەت سۆفی، پارێزگاری هەولێر، لە کۆبوونەوەی ئەنجومەنی پارێزگای هەولێر بۆ رووبەڕووبوونەوەی ڤایرۆسی کۆرۆنا رایگەیاند "بەداخەوە نیگەرانین لەو کەسانەی بە قاچاخ دێنەوە، ئەوانەشی ئەو کارە دەکەن، کەسوکارەکەشیان کەرەنتینە دەکرێن و رووبەڕووی یاسا دەکرێنەوە".

ئاماژەی بەوەشکرد "پێویستە سنوورەکان بە تەواوەتی دابخرێن و هاوڵاتییانی هەرێم لە ئێران ئاگادار بکرێنەوە کە لە وادەیەکی نزیکدا بگەڕێنەوە، چونکە دواتر رێگای گەڕانەوەیان نامێنێت".

پارێزگاری هەولێر وتی "ئەو ژنە شەوی رابردوو ناوی تۆمار کرا شێرپەنجەی هەبووە و چووەتە ئێران، لە کەرەنتینە پشکنینی بۆ کراوە و زانراوە هەڵگری ڤایرۆسەکەیە".