مەودا میدیا-

بەڕێوەبەرایەتی گشتی ئاسایشی پارێزگای سلێمانی رایدەگەیەنێت هێزەكانیان لە ناو شاری سلێمانی دوو كەسیان بە تۆمەتی بازرگانیكردن بە ماددەی هۆشبەر دەستگیركردووە.

لە راگەیەندراوێكی بەڕێوەبەرایەتی گشتی ئاسایشی پارێزگای سلێمانی كە وێنەیەكی بۆ مەودا میدیا هاتووە " بەمەبەستی نەهێشتن و بنبڕكردن و بازرگانی پێكردنی هەموو جۆرە مادەیەكی هۆشبەر و هەر جۆرە كارێكی نایاسایی هێزەكانمان توانیویانە دوو كەس بە بازرگانیكردن بە ماددەی هۆشبەر دەستگیربكەن".

ئاماژە بەوەشكراوە "تۆمەتباران بە ناوەكانی (ك، ر، ت) لەدایكبووی ساڵی 1993 ڕەگەزی نێر، هەروەها (ر،م، م) لە دایكبووی ساڵی 1985 و پیشەی كاسب، هەردووكیان بە یەك ساڵ زیندانی كراون و بە بڕی 450 هەزار دینار غەرامە كراون".