کوردستانی
فڕۆکەخانەی کەرکووک گەشتێکی دیکە بۆ خۆی زیاد دەکات
مەودا میدیا - سلێمانی |
مەودا میدیا-
فڕۆکەخانەی نێودەوڵەتیی کەرکووک گەشتێکی دیکە بۆ گەشتەکانی خۆی زیاد دەکات و جگە لە وڵآتانی تورکیا و سعودیا بۆ لەمەوبەدوا گەشتەکانی بۆ ئێرانیش دەستپێدەکات.
هەردی سەمەد، بەڕێوەبەری راگەیاندنی فڕۆکەخانەی کەرکووک رایگەیاندووە، لە مانگی شوباتی داهاتوو گەشت لە نێوان کەرکووک و ئێران دەستپێدەکات.
فڕۆکەخانەی نێودەوڵەتی کەرکووک هێشتا وردەکاری شێوازی گەشتەکانی رانەگەیاندووە، بەڵام گەشتەکانی لەلایەن هێڵی ئاسمانی عیراق و کۆمپانیای ماهانی ئێرانەوە دەبێت.
فڕۆکەخانەی نێودەوڵەتی کەرکووک لە ساڵی 2022 کرایەوە و توانی گەشتەکانی لە گەڵ تورکیا و سعودیا رێکبخات و لە ئێستادا ئامادەکاریی دەکات بۆ ئەوەی لە گەڵ ئێرانیش گەشتەکانی دەستپێبکات.
ژ.م
بیروڕا
