مەودا میدیا- سەباح خضر 

لیڤەرپوڵ لە کۆتایی ئەم وەرزەدا بەنیازە یاریزانی ناوەڕاستی یانەی چێڵسی نۆگۆلۆ کانتی بگوازێتەوە.

گرێبەستەکەی کانتی لەگەڵ چێڵسی هاوینی داهاتوو بەسەر دەچێت و هێشتا هەردوولا نەگەیشتونەتە رێککەوتن لەسەر نوێبوونەوەی گرێبەستەکە.

بەپێی رۆژنامەی زەسەنی بەریتانی یۆرگن کلۆپ راهێنەری لیڤەرپول ستایشی تواناکانی کانتی دەکات و هانی بەڕێوبەرایەتی ڕێدس دەدات بۆ چارەسەرکردنی رێککەوتنەکە لەهاوینی داهاتوو.

ئارسناڵ و تۆتنهام و بەرشەلۆنەش چاودێری بارودۆخی کانتی دەکەن، بەڵام لیڤەرپول ئێستا پێشبڕکێ دەکات بۆ مۆرکردنی رێککەوتن لەگەڵ یاریزانە فەرەنسیەکە.

تۆد پویلی سەرۆکی چێڵسی لەم هەفتەیەدا پەیوەندی لەگەڵ کانتی و بریکاری کارەکانی کرد بۆ ئەوەی ئەو یاریزانە رازی بکات کە ئۆفەرەکانی دەرەوەی چڵسی بخاتە لاوە و گرێبەستەکەی لەگەڵ بلوز نوێ بکاتەوە.