کوردستانی
کۆبوونەوەی حزب و لایەنە کوردستانییەکانی کەرکوک بەڕێوەچوو
مەودا میدیا - سلێمانی |
مەودا میدیا-
ئەمڕۆ سێشەممە لە بارەگای مەکتەبی سیاسیی یەکێتی لە شاری کەرکوک کۆبوونەوەی حزب و لایەنە کوردستانییەکانی کەرکوک بەڕێوەچوو.
ئەمڕۆ بە ئامادەبوونی لێپرسراوی یەکەمی حزبە کوردستانییەکان کۆبوونەوەی حزب و لایەنە کوردستانییەکانی کەرکوک لە بارەگای مەکتەبی سیاسیی یەکێتی لە شاری کەرکوک و بە سەرپەرشتی ئاسۆ مامەند، کارگێڕی مەکتەبی سیاسیی یەکێتیی نیشتیمانیی کوردستان بەڕێوەچوو.
لە میانەی کۆبوونەوەکەدا بە گشتی حزب و لایەنە کوردستانییەکان دۆخی کەرکوک و ناوچە جێناکۆکەکانییان تاوتوێکرد و جەختییان لەسەر یەکڕیزی نێوان حزب و لایەنە کوردستانییەکان کردەوە بە جۆرێک کە وەڵامدەرەوەی واقیعی ئێستای کەرکوک و ناوچە جێناکۆکەکان بێت.
هەروەها جێگەی ئاماژەیە لە کۆبوونەوەکەدا تاوتوێی سەرجەم ئەو گیروگرفتانەش کران کە لەئێستادا بوونەتە مایەی نیگەرانی هاوڵاتییان.
بەپێی زانیارییەکان حزب و لایەنە کوردستانییەکان جەختیانکردەوە کە لەگەڵ تەواوی داواکاری و خواستەکانی هاوڵاتییان دان و لەو چوارچێوەیەشدا هەنگاوی پراکتیکی دەنێت.
ئەوەشییان خستەڕوو، لەسەر کۆی پرسەکان هاوڕابوون بە ئامانجی چارەسەرکردن و نەهێشتنی ئەو گیروگرفتە ئیداری و ئەمنییانەی کە رۆژانە رووبەڕووی دانیشتوانی کەرکوک و ناوچە جێناکۆکەکان دەبێتەوە.
ئەمەش لە کاتێکدایە پرسی مافە دەستووری و یاساییەکانی کورد و کێشەی زەوی و زارە کشتوکاڵییەکانی جوتیاران و پرسی ئەنجامدانی هەڵبژاردن و رێوشوێنەکانی جێبەجێکردنی مادەی (140) کە لە کارنامەی محەمەد شیاع سودانیدا هاتووە، تەوەری سەرەکی کۆبوونەوەی حزب و لایەنە کوردستانییەکان بوو.
س،ر