مەودا میدیا-

ماوەی چەند رۆژێکە کێشە لە دەرهێنانی پاسپۆرت لە عیراق هەیە و ئەو کێشەیەی هەرێمی کوردستانیشی گرتووەتەوە و نەبوونی دەفتەری پاسپۆرت رێگرە لە دەرهێنانی بۆ هاوڵاتییان.

 

بەڕێوەبەرایەتی گشتیی پاسپۆڕتی سلێمانی رایگەیاند، لە ئێستادا بەهۆی نەبوونی دەفتەری پاسپۆرت لە عیراق و هەرێمی کوردستان دەرهێنانی پاسپۆرت بۆ هاوڵاتییان راگیراوە هەر بۆیە پاسپۆرتی سلێمانی داوا لە هاوڵاتییان دەکات بەتایبەت ئەو هاوڵاتییانەی لە دەرەوەی وڵاتن و بەتەمان بگەڕێنەوە هەرێم بۆ دەرهێنانی، لەئێستادا بۆ مامەڵەکانیان و تازەکردنەوەی پاسپۆرت نەگەڕێنەوە.

بەڕێوەبەرایەتی پاسپۆرتی سلێمانی باسلەوەشدەکات تەنها دەتوانن پاسپۆرت بۆ حاڵەتی تایبەت وەک کەسانی و ئەو کەسانەی ژیانییان لە مەترسیدایە دەربێنن.

 

ژ.م